H GAUTENA

Gautena, Autismoa eta Garapenean Nahasketa Jeneralizatuak dituztenen Gurasoen Gipuzkoako Elkartea da. 1978an sortu zen, pertsona hauen ongizatea eta bizi-kalitatea hobetzeko eta beren familiei laguntza eskeintzeko asmoarekin.

Gaur egun, GAUTENAn Autismoa, Garapenean beste nahasketa zabalak eta minusbaliotasun psikikoaren esparruan antzeko arazoak dituzten pertsonei arreta eskaintzeko zerbitzu indibidualizatuak sustatzen eta gestionatzen ditugu. Horretarako nazioartean kreditaturiko metodologietan oinarriturik, hezkuntza programak, okupazionalak, erresidentzialak, asistentzia psikiatrikozkoak, aisi eta atsedenekoak etab, antolatzen ditugu, administrazio publikoarekin batera, gizarte zerbitzu, hezkuntza eta osasun arloetan.

Heziketa programa:

· Nolakoa da Gautenaren heziketa programa?

Orientabide dugun filosofia integratzailea jarraituz, gure helburua autismoa duen ikaslearen heziketa premia bereziei, hezkuntza sistema orokorraren barruan erantzutean datza, hezkuntza arloko gainerako baliabideei hurbil-hurbiletik lotuta.

· Nortzu dira ikasleak?

Ikasleak heziketa premia bereziak dituzten pertsonak dira, Garapenaren Nahasketa Jeneralizatuaren presentziari lotuak, nola Autismoa hala Haur psikosia eta ikasteko zailtasun larriak.

· Zeintzuk dira gure helburuak?

Programa honen bidez hezkuntza sistema hobetzen lagundu nahi dugu, ikasleek ahalik eta ingurunerik ez-mugatuenean era egokian eskolaratzeko aukera izan dezaten eta aldi berean prozesu honetan zehar beraien familiartekoen partizipazio aktiboa ziurtatuz. Ikasle guztiekin bezala irakaskuntzak beren gaitasunak mailarik goreneraino garatu ditzala nahi dugu eta gerora gizartean integratzeko aukera zabal diezaiela.

· Nola lortu nahi dugu hau?

Zona bakoitzeko Hezkuntzako Pedagogi Aholkularitzategiarekin bat eginez, ikaslearen programa indibidualizatuak ondorengo aukeren erabilera malgua eska dezake:

*Hezkuntza sistema orokorrean

-Gela arrunta

-Gela balioanitza

Gautenak gestionatutako sisteman

-Ikastetxe arrunteko gela balioanitza

-Azkarate Enea heziketa berezirako zentroa.

Heziketa premien eta egoeren aniztasunaren arabera, gure programak hamar arlo lantzen ditu: curriculum arruntaren aspektu klasikoak eta beste zenbait aspektu bateratuz.

-Komunikazio arloa.

-Komunitatearen erabilpenaren arloa.

-“Autodirekzioa”

-Arlo akademiko funtzionalak.

-Aisialdi eta atseden arloa.

-Trebetasun sozialen arloa.

-Etxe bizitzarako trebetasunak lantzeko arloa.

-Norberaren zaintza lantzeko arloa.

-Lan arloa.

-Osasun eta segurtasunaren arloa.

· Nortzu gara gu?

Gela bakoitza 5 edo 6 ikaslek osatzen dute, bi profesionalekin batera, une jakin batzuetarako laguntzazko pertsona batzuez gain.

· Nola gaude banatuta?

Momentu honetan 13 gela ditugu, Gipuzkoako eskualdeetan zehar banaturik. Hauetatik bat heziketa bereziko zentroan kokaturik dago eta beste 12 ak hezkuntza arrunteko ikastetxe ezberdinetan. Gela hauetako bat dugu Langaitz Ikastolan kokaturik dagoena.

• LAGUNDU NAHI BADUZU EDO GAIARI BURUZKO INFORMAZIO ZEHATZAGORIK BEHAR BADUZU, GUREGANA HURBILDU ZAITEZ

943215344 943215239